Aqqut

 

ivikkat saalliartornerisa akornanni

 

qaqqani aakkiartortuni naasut ipput qilaap Anersaavisa

 

inaanni

 

 

 

qaagit maanga nunamut taava pavunngarit Ataatama taqaasa avataannut

 

saarngit inuunerullu toqunerannut

 

siulitta piniagaannik nammatsisoq

 

niggip qarsorilanerani immami

 

ullorissallu nakkakaaneranni

 

qaaqqusineq

 

 

 

 

 

 

 

Imarsuup sikua

 

aatta tiggunnera

 

qaqqatta qillaalasutut aakkiartornerani

 

tassaavoq qimussima uniffia

 

aqqutima  aanngariartornera

 

piffissap nutaarsiassani killingusaa

 

 

 

 

 

silarsuup inissarititaa milliartortoq

 

 

Ingerlavunga

qimappakka

 

anaanama nuilarmiui

sialuup aliasuutaani

kalunnerit aakkiartortut

tunullugit.